WordPress 3.2 og Centos 5.x
Þann 4 júlí kom WordPress 3.2 út og ber útgáfan nafnið „Gershwin“. Samhliða þessari útgáfu var forkröfum fyrir php stuðning breytt og lágmarksútgáfa sett í útgáfu 5.2.4. Centos 5.6 kemur með útgáfu 5.1.6 af php og því er stuðningur í Centos/RHEL 5 ekki lengur fullnægjandi. Til að uppfæra php í nýrri útgáfu þá hefur Remi verið að pakka af nýrri php útgáfum fyrir stýrikerfi eins og Centos/RHEL en leiðbeiningar má finna á blogginu hans http://blog.famillecollet.com/pages/Config-en
Leiðbeiningarnar eru einfaldar í sjálfu sér
- Sækja skilgreininguna fyrir EPEL (Extra Packages for Enterprise Linux) hirsluna
- Sækja skilgreininguna fyrir pakkana hans REMI
- Setja skilgreiningarnar inn með aðstoð rpm pakkastjórans
- Virkja kóðahirsluna hans REMI tímabundið og sækja og setja inn uppfærða php pakka.
Ég lenti í vandræðum og þurfti að henda út pökkum sem skarast á við þá pakka sem REMI hefur pakkað til að fullnægja forkröfum fyrir php. Ég þurfti tam. að keyra inn bæði php og mysql.
Enterprise Linux 5 (with EPEL)
wget http://download.fedora.redhat.com/pub/epel/5/i386/epel-release-5-4.noarch.rpm
wget http://rpms.famillecollet.com/enterprise/remi-release-5.rpm
rpm -Uvh remi-release-5*.rpm epel-release-5*.rpm
yum --enablerepo=remi update php
eða
yum --enablerepo=remi update php mysql
Ef uppfærslan gengur að óskum þá ætti að vera hægt að uppfæra wordpress upp í útgáfu 3.2.
Hér má sjá örlitla kynningu á því hverju var verið að breyta í útgáfu 3.2
Njótið.
