Þankaregn, hugrenningar og allt

Lagfæring á grub ræsivalmynd eftir enduruppsetningu á windows

Það er þekkt vandamál að ef þú ert með linux stýrikerfi á vélinni þinni og þú ákveður að setja upp windows stýrikerfi eða framkvæma endurinnsetningu eða uppfærslu á því þá yfirskrifast Master Boot Record (MBR) og eingöngu er hægt að ræsa upp í windows.  Þetta er hægt að leiðrétta með tiltölulega lítilli fyrirhöfn með því að ná í live cd eða rescue cd fyrir linux stýrikerfið sem keyrir á vélinni. Leiðbeiningarnar hér fyrir neðan miða við lagfæringu á GRUB2 sem stendur fyrir „Grand Unified Boot Loader“ útgáfa 2 og voru framkvæmdar á Ubuntu 9.10 linux stýrikerfi. Hinsvegar ættu þessar leiðbeiningar að nýtast á öllum þeim linux stýrikerfum þar sem GRUB2 er notaður til ræsingar.

Diskurinn fyrir ubuntu 9.10 sem hægt er að ræsa upp af má nálgast hér: http://www.ubuntu.com/getubuntu/download

Leið 1

Þegar leið 1 er valin þá er verið að ræsa upp á Live CD og ræsa upp í skel og vísa í hvar grub rótin er og á hvaða disk á að rita master boot record (MBR).

sudo -i
fdisk -l
mount /dev/sda5 /mnt
grub-install --root-directory=/mnt/ /dev/sda

Og ef allt gékk að óskum þá er óhætt að endurræsa kerfið og sjá hvort lagfæringin skilar sér. Ef þessi aðferð klikkar er hægt að fara í leið 2 hér fyrir neðan.

reboot

Hér að ofan eftir að hafa keyrt fdisk -l þá kom í ljós að linux stýrikerfissneiðin var á sneið 5 á Serial/SCSI disk A eða /dev/sda5

Leið 2

Þegar leið 2 er valin þá er verið að tengjast linux stýrikerfissneiðinni ásamt því að gera vélbúnaðinn sýnilegan með því að tengja dev,proc og sys slóðirnar inní sneiðina, en með þessari aðferð er hægt að framkvæma mun víðtækari lagfæringar þar sem hér er verið að svissa af Live CD yfir á raunverulega-stýrikerfið sem keyrir á disknum með aðstoð change root skipunarinnar. Þessi aðferð er td. notuð til að lagfæra vélar eftir að þær hafa verið hakkaðar eða skemmdar með einhverjum hætti.

sudo -i
fdisk -l
mount /dev/sda5 /mnt
mount --bind /proc /mnt/proc
mount --bind /dev /mnt/dev
mount --bind /sys /mnt/sys

Hér flytur þú þig svo inn í stýrikerfið á vélinni þinni með Change Root (chroot) og velur að nota bash skel.

chroot /mnt /bin/bash

Svo uppfærum við grub skilgreininguna með eftirfarndi skipun með tilvísun í harðadiskinn sem á að skrifa nýtt MBR á sem í þessu tilfelli er SDA (Serial/Scsi diskur A)

grub-install /dev/sda

Þvínæst aftengjumst við stýrikerfinu og förum aftur yfir á rescue cd eða live install diskinn

umount /mnt/sys
umount /mnt/dev
umount /mnt/proc
exit

Svo endurræsum við ef allt hefur gengið að óskum og staðfestum virkni

reboot

09. mars 2010 by Samúel Jón Gunnarsson
Categories: Linux / Unix, Windows | Tags: chroot, dualboot, grub, linux, ubuntu | 1 comment